Dil ko jab dil se raah hotii hai
Aah hotii hai vaah hotii hai
Ik nazar dil kii simt dekh to lo
Kaise duniyaa tabaah hotii hai
Husn-e-jaanaan kii manziloon ko na puuchh
Har nafas ek raah hotii hai
Kyaa Khabar thii ki ishq ke haathoon
Aisii haalat tabaah hotii hai
Saans letaa huun dam ulajhataa hai
Baat karataa huun aah hotii hai
Jo ulat detii hai safoon ke safeyn
Ik shikastaa-sii aah hotii hai
Wednesday, May 26, 2010
Dil ko jab dil se raah hotii hai
Subscribe to:
Post Comments (Atom)
0 comments:
Post a Comment
Note: Only a member of this blog may post a comment.