In memories of My Dad

Abba ki har baat mujhe aati hai bahot yaad

Aankhoon se phir hoti hai ashko ki barsaat

Unki wo pyaari baatyen wo pind o nasihat

Gauhar hain wo be maya, anmol un ki qimat

Chalna mujhe sikhaya is tedhi si dagar per

Dil se dua hai meri, noor barse unki qabar per

Jis waqt wo juda mujh se hoye the

Hathoon mein tha hath, lab kaanp rahe the

Duniya meri un se thi, main tanha khada tha

Waqt aisa kada, umar mein pahle na pada tha

Aate the jo aansu to roke na bane the

Amma ko hum thame hoye khamosh khade the

Kaha hai ye kisi jahandeedah ne Nafees

"Aye Ziya maa baap ke saye ki naqadri na kar

Dhoop Kate gi bahot jab ye shajar kat jayega"

hum ko un ke bad un ka har lafz yaad ayega